{{الحوار الساخن بين الشباب والبنوتات}}

[خادم]

http://glbuae.net/vb/images/icons/Icon211.gif

|--*¨®¨*--| : مــرحبـــا أحلى بنات وشباب |--*¨®¨*--|

الحــوار السـاخن بين الشبــاب والبنـــات ... الكل يشــارك
وهو عبارة عن حوار مثير بين فريقين .

فريق (( الشـــباب ))

وفريق (( البنــــات ))

في أمور يكرهها الرجل في المرأه أو ما يستطيع فهمها

(( و ))

في أمور تكرهها المرأة في الرجل أو ما تستطيع فهمها

0
0

وهنا بهذا الموضوع راح نركز

على اللي ما يعجبنا في الجنس الآخر بكل صراحة و موضوعية

وبعيداً عن التعصب حتى نستمتع و نخرج منه بنتايج إيجابية.


[ بداية الحوار ]


سيقوم فريق الشبـاااب بطرح سؤال عن أمر معين ما يعجبه في البنــاات


وسيقوم فريق البنااات بالرد وتبرير الموقف


وبعد إعطاء الإجابات والمبررات الكافية يصير فريق البنات في وضع الهجوم
ويطرح سؤال على فريق الشباب.وكذا يستمر الحوار



[ملاحظة]

عندما يسأل الشباب ..يحب على 3 بنات يردون على السؤال

{{والعكــــــــــــــــس}}

يحق للجميع المشاركه وابداء الرأي


وأرجوا أن نكون مع الحق دايماً بعيد عن الإنتماء و التحيز

يــلا شبـــاب البدايــه لكــم

اتمنى يعجبكم الموضوع


لأن نجاحه بأيديكم


انتظر مشاركاتكم



لكمـ التحيهـ...


:45:أخوكم.................أمير بكلمتي:45:

[خادم]

طبعا أول سؤال لي أنا وأنا مقهور..........؟؟؟؟؟؟


بصراحة عصرت مخي مالقيت غير هالسؤال خخخخخخ

بصراحة اشوف البنات وايد حساسات لدرجة فظيعة بعد

اذ الولد قالها شي يزعلها

بتزعل منه وبتتضايق حتى لو بيراضيها بتيلس تتغلا

يعني انا لاحظت ان اكثر البنات يتغلون على الشباب

يعني ابا اعرف على شو تتغلين على جمالج ولا على شو

ترا بدال بنت شي مليون بنت

وبصراحة هذا الي يقهرني فالبنات

وان شالله بس ولا وحده فيكم تحسست من كلامي شكلي بنضرب اليوم خخخخخخخخخخخخخخ




أخوكم...........أمير بكلمتي

[حاسه بس ساكته]

ههههههههه يحليلك والله ..

صح البنت تتغلا ساعات بس الولد يذل وااايد على كل شي بيذل البنت لو غلطه مره في حقه بيتك طوول العمر يذكرها ..


البنت يووم تسامح بتساامح من قلبها وترجع معااه شرات قبل واحسن ما يمكن ..

بس الريال احيانا هوو اللي ييبها لروحها رفع الضغط يووم يقعد يقهرها فدااااه ان البنت تتغلا عليه ...

وبعدين ما فيه شي اسمه جمال وهالخربطااان دامك انت اخترتها خلاص ولا يووم بتضاربوون بتقوول لها شي مليوون غيرج قوويه هااي تراك انت اخترت ليش قبل ما اخترت ما اخترت المليوون اللي تطريهم ..


خل نفسك في مكان البنت ترضى البنت تقوولك شي مليوون غيرك والله هالكلمه لو شوو ما كانت لاتحرقك وتحرق فؤداك بعد ..

حاليا الكل بيقول عادي بس خلي ايي اليوم اللي تسمع فيه هالرمسه بتعرف ..

[إهتم فيني]

مو كل بنات نفس شي


وتسلم خيو ع طرح

[صاحبة السمو]

أولا شيء ما شاء الله على الاعضاء اللي شاهدوا الموضوع وما ردوا الله يهديهم


ثانيا مشكوور أخووي على الموضوع الحلوو والمفيد



وانا أقوول صح معظم البنات يتغلوون بس التغلي ما يي بروحه على حساب الدلع

لا بالعكس اكيد صار خطا ولازلة من الشاب نفسه عسب جذي تتغلا عليه

واللي تتغلا معناته انها تحب اتشوف طريقة تدلعيك لها لانها جنس لطيف اتحب احد يدلعها أكثر من انها اتدلع

الشاب أو أي أحد ...



ومثل ما قالت أختي حاسة بس ساكتة صعبة تنقال لأي شخص ها الجمله ((غيرك ملايين ))


والسمووووحة

[عاشقة الإمارات]

تسلم أخوي على الموضوع المميز ..

و أنا رايي ان البنات لو كانوا حساسات بس تراه زعلهم ما راح يكون مني و الدرب

أكييد في شي كدر خاطرهم ..

و هي عاد ما تبي ترضى على طول عسب ما يستحلون الشباب السالفة و يزعلونها دوووم ..

و اذا تغلت من حقها عسب تعرف مكانتها و غلاها عند الثانيين ..

و هذا رايي ..


يعطيك ألف عافية على الطرح

[نَـآݝـسـٍ"آلّطِـڑف"ـہ]

طبعاً في البداية اشكرك اخوي على هذا النقاش الرائع والمميز

واكيد كل بنت من حقها تتغلا عسب تعرف وين مكانتها بس التغلي الزايد
اكيد هذا له عواقب شديده لأن الريال مايحب يذل عمره او ينزل مستواه لأي بنت
لأنه اكيد نفسة عزيزه بس حلو يوم يكون التفاهم موجود مابين الاثنين عسب
بتفاهم والرزانه يقدرون الاثنين يسيرون حياتهم بشكل صح بس اهم شيء
مايشاركهم في زعلهم اي مخلوق لأن إذا شاركهم اي حد ما راح يعرف الريال مكانتة عند
حبيته ولاهي بتعرف مكانتها بس حلووو يوم اتكون البنت من النوع الصبور عسب ما يحس الريال
إن محد يقدر يستحمله او غيره وحتى لوكان عصبي بطيبة وبالكلمة الطيبة تقدر ترخي الريال
حتى لو كان قلبة من حجر اهم شيء الرزانة والعقل .......