][..مؤلم..][ أن لا تجد من تثق بهـ

[الكشخة]

السلام عليكم ورحمة اللهـ وبركاتهـ



لمن كنت اضايج .. ارفع مبايلي لذنيه واتريا يردون ع الخط


طوط طوط طوط

هلا كشوخ .. بلاج حبيبتي .. لا تهتمين والله ان محد يستاهل انج اضيجين عشانهـ فديتج الدنيا ما تسوى اضحكي ما يليق عليج


كشوخ فكري بعقلج

كنت ارتاح يوم اكلمها .. أقولها كل اللي ف خاطري حتى اللي مو لازم ينقال اقولها اياه

مر يو يومين ثلاث


وفجأة


يتني طعنه ف وسط صدري

عسب أكتشف عقبها اني اصلا كنت انطعن من قبل ف ظهري بس انا مش حاسه

ما ذرفت دموعي لها.. لأنها هي اللي علمتني اني ما اذرف دموعي لحد

ذرفت دموعي على حالي
على نفسي
على قلبي [الطيب]


الطيبهـ

ليهـ الطيب خسران

هلـ الواحد يوم يمتلكـ الناس بطيبته ويثق بهمـ وعقب يغدرون بهـ

يكون غلطان!!
والا خسران!!

يوم اتحب شخص وتهبهـ كل معاني الحب تتركـ قلبك ف ايده وعقبها تكتشف انكـ ساعدتهـ وسهلت عليه عمليه الطعن .. غرس حقده ف قلبكـ وبكل برود هدكـ وسار

اتكون غلطان!!
والا خسران!!

هل هي طيبهـ القلب اجرنا للإنحدار


أحب ناس وأحطهمـ وسط قلبي لكنهمـ ما يقدرون حبي ولا تقديري
ليهـ يجرحوني ويجاملوني وما يصحوني على تقصيري


سؤال دار ف ذهني يمكن اتكون حروف سؤالي بسيطهـ لكني فعلا محتاره كيف ارتب اجابتها

ليش الناس اللي نثق بهمـ يغدرون بنا

ان اكتشفت اعز لناس على ذاتكـ غدر بكـ وخانكـ

خذ الإنسان اللي تحبهـ عنكـ
سرق قلبكـ وفضح أسراركـ

وعقب كل هذا واقف جدامكـ مبتسم لكـ ولا جنهـ صاير شي

شو بتسوي ويا هـ الإنسان وشو الأسلوب اللي بتتخذه تجاهه
علاقتكـ هل بتتغير وياه
هل بتسامحه ع اللي سواه وياكـ
هل بتظل أتحبه

قبل ما اجاوب ع اسئلتي تذكر ان هـ الشخص

هو الإنسان اللي حبيته طول عمركـ وما تخيلت انكـ اتعيش دونه

آسفهـ ان طولت عليكمـ

واتمنى اني اشوف لكم ردود طيبهـ


دمتمـ بود

الكشخه

[كول بيبي]

كشوخ انسيهمـ كلهمـ و فريهمـ ورا ظهرج صدق محد يستاهل دمعهـ من عيونج


تقبلي مروري

[مستشفى الحب]

في البداية حبيت أقول إن الثقة في هالزمن نادرة والثقة ما تنعطى لأي إنسان حتى لو كان جريب منج يعني قلة ما في هالزمن نجد الإنسان الصادق إللي في طبعه صريح وما ينوجد له في قاموس حياته أي معنى للغدر والخيانة قلما أشوف هالصفة في أي إنسان حتى إللي عطيته كل حياتي وكل أسراري لازم ما أوثق به لدرجة الجنون يمكن في لحظة غضب يشعل فتيلة حقد ويطعنج وإنتي ما تدرين ........... هاذي خلاصة كلامي وتقبلي مروري


http://www3.0zz0.com/2008/03/19/17/806484358.jpg

[عاشقة الإمارات]

تسلميين حبوبة على الطرح ..



شو بتسوي ويا هـ الإنسان وشو الأسلوب اللي بتتخذه تجاهه

ما أعرف شو أقولج حسب الموقف و حسب اللي صار .. و بعدين لا تتخذين قرارج بسرعة ساعات الطرف الثاني ينظلم و الناس ما ترحم
علاقتكـ هل بتتغير وياه

أكيييييييد بتتغير بس مو لدرجة القطيعة
هل بتسامحه ع اللي سواه وياكـ

حسب الظروف وقتها و حسب موقفه بعد اللي صار
هل بتظل أتحبه

مو شرات قبل



اسمحيلي حبوبة أعرف اني ما فدتج بشي بس هذا اللي طلع مني ..

و أتمنى انج ما تتعلقين بحد لين ما تتأكدين انه يستاهل قلبج الطيب .. و لا تسمعين من طرف و تتضايقين .. يا ما ناس انظلمت ..

[sosoOo13]

علاقتكـ هل بتتغير وياه أكيد
هل بتسامحه ع اللي سواه وياكـ على حسب
هل بتظل أتحبه هيه بس مو نفس قبل

[اللوتس]

الله يكوووووووووووووووووووووون في عونج
وانا اقوول لاتسلمين قلبج لحد الا الي
يستااااااااااااااااااااااااااااااااااااااااااااااا ااااااهل

[الـ رميثــ ــ ــــي]

هــلااااا اختيهـ...

اول شــي السمووووحهـ عـ
الل صاااارلج
واللهــــ يكوووون فـ عووونج


و


موظوووووووووووووعــج ... فنتكــــ
وكــــل الل قلتليهــ
كاااااااااااان ودــــي احصــل حــد عســب اقولهــ كــل هـ الكلاااام
و حطــي فــ بالج انج هب اول و اخر وحدهـ تنصدم مـن اغلا الناس


ياما نااااااااس عزيتهم و بيننا عشره
يخففون عني همومي ونفس الوقت يطعنوني ونا ماعندي خبر
يوم اني اكتشفت هـ الشي انصدمت و ماقدرت اتحمل
مابجــــذب و يمكن البعـظ يظحك عليهـ كان ودي اصيح كان شي عادي حزتها عـ الل صار
بس مايستوي هع الريال مايصيح^^^^^



و عــ سؤااااالج:::
1- اكيــد بتتغير هيه نعم
.................
2- طبعـــــي السمااااااح لين متى بنحقد
.................
3- نوووووو دامهـ مايساهل و لو خسرته ماخسرت جنه وبداله ملايين يقدرون الحب بس ماقلت اني بكرهه ماقدر اكره انسان كنت اعزه


................. اتمنى كلامي فاااادج ابشي


والسموووووووووووووووووووووووووووووووووووووووووووحه ـــ ــ

[الكشخة]

فادتني ردودكم وايد .. بالعكس خففت عني وخلتني افكر وايد ف حياتي

بس اللي مشش قادره عليهـ هي الطيبهـ

لازلت اعزهم ومب قادره اودرهم والمشكله انهم لازالو هم يبتسمون جدامي ولا جنه صاير شي

الرميثي & عاشقه الإمارات


تسلمون ع ردوودكم اللي خلتني اراجع عمريه وايد


واشكر كل من رد عليهـ ف موضوعي هذا

اللوتس& مستشفى الحب& كول بيبي

تسلمون ع النصيحهـ وربي لا يحرمني منكم ان شاء اللهـ ومن ردوودكم الطيبهـ


سوسو


تسلمين ع ردج وطلتج الحلوه وياي



اللي تحبكم دوومـ


كشوووخ

[شفايف عسل]

في البداية حبيت أقول إن الثقة في هالزمن نادرة والثقة ما تنعطى لأي إنسان حتى لو كان جريب منج يعني قلة ما في هالزمن نجد الإنسان الصادق إللي في طبعه صريح وما ينوجد له في قاموس حياته أي معنى للغدر والخيانة قلما أشوف هالصفة في أي إنسان حتى إللي عطيته كل حياتي وكل أسراري لازم ما أوثق به لدرجة الجنون يمكن في لحظة غضب يشعل فتيلة حقد ويطعنج وإنتي ما تدرين ........... هاذي خلاصة كلامي وتقبلي مروري